Në seancën gjyqësore të procesit “Plumbi i Artë”, ku Nuredin Dumani është bashkëpunëtor i drejtësisë, ka vijuar marrja në pyetje nga avokatët e personave nën hetim. Dumani, i cili ka qenë i ftuar për të dëshmuar, ka dhënë detaje të rëndësishme lidhur me marrëdhëniet e tij me individët e përfshirë në këtë çështje, përfshirë Talo Çekën dhe grupet e tjera të krimit të organizuar.

Dumani ka pohuar se Talo Çeka kishte dashur ta vriste, duke theksuar se marrëdhënia e tyre kishte filluar në fund të vitit 2009 dhe kishte pasur një histori miqësie deri në vitin 2019, kur pas disa konflikteve dhe hakmarrjesh, tensionet midis tyre kishin arritur kulmin. Ai ka përmendur edhe disa emra të tjerë, duke përfshirë Erjon Alibejn dhe Xhuljan Hoxhën, me të cilët ka pasur lidhje në lidhje me planifikimin e vrasjeve.

Për të arritur qëllimet e tij, Dumani ka theksuar se ka marrë pjesë në përgatitjen e vrasjes së Emiljano Ramazanit dhe disa viktimave të tjera, duke përmendur edhe fakte të tjera që lidhen me informacionet që kanë ardhur nga Xhuljan Hoxha dhe shërbimet e tjera të përfshira në këtë rrjet të krimit.

Dumani ka zbuluar gjithashtu se ka pasur njohje me shumë persona të përfshirë në aktivitete kriminale dhe ka bërë një përshkrim të hollësishëm të ngjarjeve që kanë çuar në vrasjet dhe planifikimet e tjera kriminale. Ai ka treguar se ka pasur informacione të brendshme dhe ka përdorur këto informacionet për të realizuar hakmarrje ndaj personave që i konsideronte si armiq.

Gjithashtu, Dumani ka zbuluar se disa nga personat, përfshirë Xhuljan Hoxhën, kishin pasur lidhje të drejtpërdrejta me grupet e tjera kriminale dhe kishin marrë informacione për realizimin e veprave të tilla kriminale. Ai ka pohuar gjithashtu se ka pasur një marrëdhënie të ngushtë me Xhuljan Hoxhën dhe ka përmendur se ky i fundit ka qenë paguar për informacione lidhur me viktimat dhe objektivat e grupeve kriminale.

Seanca vijon dhe do të shqyrtohen më tej detajet e ndihmës së Dumanit në ndihmën e drejtësisë dhe zbardhjen e vrasjeve që ai ka kryer dhe ka planifikuar.

Dumani vijon t’i përgjigjet pyetjeve të avokatëve të të pandehurve nga GJKKO.Qani Hasa, avokat i Talo Çelës: Kur je njohur me Talo Çelën?

Dumani: Në fund të 2009-ës, fillim i 2010-ës. E kam njohur nga Ilirjan Feçi. Me Talon kam pas marrëdhënie shoqërore, më ka ardhur edhe në shtëpi.

Bujar Çelën e kam takuar disa herë. Deri në 2019-ën kam pasur marrëdhënie të mira me Talon. Bujar Cela ishte taksist dhe e përdorte Taloja.

Me Erjon Alibejn jam njohur diku në fillim të vitit 2020, janar-shkurt.

Më kanë akuzuar se kam gjuajt te vëllai i Erjon Alibej, por nuk kam pas lidhje.

Kam pranuar të bëj takim me Erjonin te shtëpia e Eljo Bitrit ka ardhur Arjan Spahiu dhe kemi shkuar në një pallat tek shtëpia e Erjon Alibejt.

Pas konfliktit që pata me Altin Ndocin dhe Talo Çelën, doja t’i vrisja, por jo me dorën time. Mua më interesonte t’i gjeja ato. Pas takimit vendosa ta ndihmoj Alibejn.

Në takim u hartua një listë ku ishin dyshimet se kush kishte vra vëllain e Erjon Alibejt.

Fatmir Troplini më tha që Miri i Kolës ka kërkuar një motor me na vra mu dhe vëllain tim.

Dorjan Shkoza më ndiqte dhe e kisha vënë re.Unë vendosa t’i godas, t’i heqin këto nga Durrësi dhe pastaj në Elbasan.

Altin Ndoci ishte në Tiranë, vëllezërit Çopja nuk ishin.

Emiljano Ramazanin e pamë më të arsyeshme për ta vrarë më shpejt. Viktimën e kam njohur kur kam shkuar të marr një makinë.

Unë nuk kisha njerëz për me marrë info në Elbasan. Emiljano Ramazani bënte palestër në Elbasan dhe aty kishim info të brendshëm kur hynte apo dilte.

Alibej me çonte foto në aplikacionin “Sky”. Alibej fliste direkt me informatorin që ishte Xhuljan Hoxha.

Hoxhën e kam njohur në 2021-n. Kur e kam parë unë ka qenë më i dobët. Erjon Alibej m’i niste foto në “Sky” të Ramazanit dhe Bujar Çelës.

Erjon Alibej kishte marrëdhënie shoqërore me Xhulian Hoxhën.

Erjoni e paguante me lekë Xhulianin për informacione. Di që i ka dhënë 20 mijë euro.

I pandehur Xhulian Hoxha: Të dalin Erjon Alibej nga salla se do i bëj pyetje Nuredin Dumanit.

Erjon Alibej: Nuredin Dumani i ka dhënë këto deklarime. Nuk e shoh të arsyeshme të largohem. Të njëjtën gjë që kam deklaruar do jap përsëri.

Dumani: Vrasja e Emiljano Ramazanit e kam kryer me Henrik Hoxhen, në palestër kishim një instruktore nusja e Elton Kiles që na tregonte mbi lëvizjet e Ramazanit dhe ndërsa jashtë palestër ishte Xhuljani. Henriku sillte gjithmonë informacione.Vendimin për vrasjen e Rigers Runajn e ka marrë Erjon Alibej.

Arsyeja e vrasjes së Bujar Çelës ishte pasi ishte në listë për t’u vrarë.

Kur u vra shoku im i fëmijërisë Klevis Kapllani u vendos që të vritej Bujar Çela.

Kur po vinte Enver Diva dhe Besian Xhixha me “Benz” të vjedhur do ta çojmë te shtepia e Kapllanit.

Kelvisi me çoi foto të disa çunave që po vinin rrotull.

I thashë shko te shtëpia e mos dil, i shkruajta po nuk po më kthente mesazhin. Pastaj me çoi mesazh Enver Diva ku ma tha e kanë vra Klevis Kapllanin.

Nga Elbasani kam dalë me një makine dhe kam shkuar në Rrogozhinë kur humbi kontakte.

Pashë që ishte me drita ndezur dhe xhami i thyer.

Aty i thashë Erjonit që do shkoj te shtëpia ta vrasim Bujar Çelën.

Natën tjetër në darkë, një ditë pas vrasjes së Klevisit, jemi bërë gati, kemi marrë makinat e vjedhura, pritëm të dilte por nuk doli.

Kemi shkuar te shtëpia në mëngjes, se kisha info që dilte në pinte kafe.

Pa shkuar te lokali i kemi futur 50 mijë lekë makinës në fshatin Vidhas. I pandehuri Xhuljan Hoxha: Dumani ka thënë që unë i kam shërbyer Çapjave. Kujt personi i kam shërbyer? Ku e di ti?

Dumani: Kam folur me Suel Çelën dhe ishte emri yt i cilësuar në lidhje me Çapjat.

Hoxha: Më ke parë vetë duke i shërbyer ndonjëherë?

Dumani: Jo asnjëherë. Vetëm çfarë më kanë thënë.

Hoxha: Në çfarë kati kam qëndruar në pallat, meqë më the kam jetuar?

Hoxha: Unë kam jetuar në katin e 6-të.