Sërish, opozita ka bllokuar seancën parlamentare në Kuvendin e Shqipërisë. Karriget e deputetëve janë grumbulluar dhe vendosur para foltorjes, ndërsa gardistët janë rreshtuar para ulëseve të ministrave.

Ish-kryeministri Sali Berisha ka nisur fjalën e tij në drejtim të një audiencë virtuale në Facebook, duke qëndruar para grumbullit të karrigeve të kthyera përmbys mes sallës së Kuvendit. Berisha ka shprehur se edhe sot do të vazhdojë mosbindja civile e parlamentarëve të opozitës, pasi u janë mohuar të drejtat kushtetuese.

Në këtë formë, deputetët e opozitës kanë bllokuar përsëri seancën e Kuvendit, ndërsa mazhoranca ka miratuar disa ligje mes kaosit dhe rrëmujës.