Sekretari amerikan i Shtetit, Antony Blinken, do të udhëtojë sërish në Lindjen e Mesme këtë javë, me qëllim arritjen e armëpushimit në Rripin e Gazës.

Kjo është vizita e gjashtë e Blinkenit në Lindjen e Mesme që nga fillimi i konfliktit midis Izraelit dhe Hamasit.

Ndërkohë, ai ka ngritur alarmin për situatën humanitare në Gazë, duke theksuar nevojën për rritjen e ndihmave humanitare për popullsinë e sigurisë ushqimore në territorin palestinez.

100% e popullsisë së Gazës është në nivele të rënda të pasigurisë ushqimore. Kjo është hera e parë që një popullatë e tërë klasifikohet në këtë mënyrë,” tha Blinken në një konferencë shtypi në Filipine, ku ndodhet për një vizitë zyrtare, para se të niset për në Arabinë Saudite dhe Egjipt.

Diskutimet për planifikimet e ardhshme për Gazën pas përfundimit të luftës pritet të jenë në qendër të bisedimeve mes Blinkenit dhe zyrtarëve sauditë dhe egjiptianë gjatë këtij udhëtimi.