Njësia e Policisë Ekonomike dhe Financiare e Policisë së Triestes e koordinuar nga Drejtoria Antimafia, kanë sekuestruar 4.3 ton kokainë mëngjesin e sotëm.

Mediat italiane raportojnë se janë duke u kryer hetimet paraprake, ndërsa janë lëshuar 38 masa arresti për persona mes Evropë dhe Kolumbisë.

Mes tyre agjentë, tregtarë me shumicë dhe transportues droge.

Hetimi filloi më shumë se një vit më parë me bashkëpunimin e drejtësisë italiane, policisë kolumbiane, së bashku me agjencinë amerikane të Hetimeve të Sigurisë Kombëtare.

Të gjitha marrëdhëniet midis prodhuesve dhe blerësve të kokainës së Amerikës së Jugut në territorin kombëtar dhe evropian u rindërtuan nga maji 2021 deri në maj 2022. Në Itali, bandat e njohura kriminale të organizuara në Veneto, Lombardi, Lacio dhe Kalabri thuhet se menaxhojnë mallin.

Vlerësohet se për 4.3 ton kokainë të sekuestruara janë paguar 96 milionë euro nga grupet kriminale, dhe nëse do të rishiteshin në tregun italian për të paktën 240 milionë euro.

Detajet e operacionit do të bëhen të ditura gjatë një konference për shtyp që do të mbahet në orën 11.30 në zyrën e Prokurorit Publik të Triestes, Antonio De Nicolo .

Gjithashtu janë sekuestruar rreth 2 milionë euro para cash, ndërsa priten detaje të tjera në vijim.