Policia Kufitare në Morinë ka sekuestruar bizhuteri floriri dhe një orë dore me vlerë rreth 50,000 euro, si dhe një automjet tip “Audi”.

Kontrollet u kryen ndaj automjetit të drejtuar nga shtetasi Q. S., 33 vjeç, banues në Gjermani. Gjatë kontrollit u zbulua se drejtuesi mbante të fshehura sendet e çmuara, të padeklaruara sipas procedurave ligjore. Bizhuteritë dhe ora, së bashku me automjetin, u sekuestruan si prova materiale.

33-vjeçari u arrestua në flagrancë për veprat penale “Kontrabanda me mallra të tjera” dhe “Mosdeklarimi në kufi i të hollave dhe sendeve me vlerë”. Autoritetet po vijojnë hetimet për zbardhjen e plotë të rastit.