Mbi 11 mijë euro janë sekuestruar në pikën kufitare të Kakavijës, ndërsa shtetasi J. Ç., 53 vjeç, i cili i posedonte, është vënë nën hetim. Policia ka bërë të ditur se, bazuar në analizën e riskut, në dalje të vendit, shtetasi u kalua për kontroll në vijë të dytë dhe paratë e padeklaruara u gjetën në çantë.

Sekuestrohen 11 110 euro dhe procedohet penalisht kundër 53-vjeçarit për mosdeklarimin e tyre në dalje të Republikës së Shqipërisë. Angazhimi maksimal i shërbimeve të Policisë Kufitare në Kakavijë për parandalimin dhe goditjen e krimeve kufitare ka çuar në zbardhjen e këtij rasti të mosdeklarimit të parave. Si pasojë, materialet procedurale janë drejtuar Prokurorisë për hetim të mëtejshëm, ndërsa shtetasi është lënë në gjendje të lirë për t’u proceduar më tej para Gjykatës së Shkallës së Parë të Juridiksionit të Përgjithshëm në Gjirokastër.