Senati amerikan pritet të hedhë në votim sot paketën me ndihmë ushtarake për Ukrainën, e cila është vlerësuar në 60 miliardë dollarë. Pas miratimit të saj nga Dhoma e Përfaqësuesve 3 ditë më parë, pritet që Senati ta aprovijojë sot dhe t’i dërgojë atë presidentit amerikan Joe Biden për nënshkrim.

Paketa përmban ndihmë të nevojshme për ushtrinë ukrainase dhe pritet të kalojë në Senat gjatë ditës së sotme, për t’i dhënë fund të javës për ta nënshkruar nga presidenti Biden.

Në një bisedë telefonike, Biden i ka siguruar presidentit të Ukrainës, Volodymyr Zelensky, se SHBA do të ofrojnë së shpejti paketa të reja dhe të rëndësishme të ndihmës për t’i plotësuar nevojat e Ukrainës për t’u mbrojtur.

Zelensky ka bërë të ditur në një postim në rrjetin social se Biden i ka thënë se do ta nënshkruajë paketën me ndihmë për Ukrainën menjëherë pas pranimit të saj nga Senati.

Po ashtu, Senati pritet të votojë edhe për një paketë më të madhe, vlerësuar në 95 miliardë dollarë, e cila përfshin ndihmën për Izraelin dhe Tajvanin, gjatë kësaj pasdite.