Komiteti i Gjyqtarëve të UEFA-s ka shpallur 18 gjyqtarë, ekipet e tyre ndihmëse të arbitrave dhe zyrtarët e ndeshjeve VAR, të cilët do të udhëheqin 51 ndeshjet në UEFA Euro 2024.

Europiani 2024 do të mbahet në Gjermani nga 14 qershori deri më 14 korrik, ku kombëtarja shqiptare është pjesë e Grupit B me rivalë si Spanja, Italia dhe Kroacia.

Lista e arbitrave kryesorë përfshin emra të njohur si Michael Oliver nga Anglia, Daniele Orsato nga Italia dhe Clément Turpin nga Franca.

Roberto Rosetti, drejtori i arbitrave në UEFA, shprehu: “UEFA Euro 2024 është kulmi i futbollit të ekipeve kombëtare evropiane me ekipet më të mira që konkurrojnë dhe kjo është arsyeja pse ne kemi zgjedhur gjyqtarët më të mirë për të gjykuar këto ndeshje.”