Një çift është arrestuar në Paris me dyshimin për komplotimin e vrasjeve të hebrenjve në Francë dhe Gjermani me urdhër të shërbimeve sekrete të Iranit. Abdelkrim S., 34 vjeç, dhe partnerja e tij Sabrina B., 33 vjeç, u akuzuan për formimin e një bande dhe bashkëpunim me një organizatë terroriste më 4 maj dhe janë mbajtur në paraburgim.

Ky rast, i njohur si “Marco Polo”, u zbulua nga faqja franceze e lajmeve Mediapart dhe ka të bëjë me një rishfaqje të aktivitetit terrorist iranian në Evropë. Raporti i Drejtorisë së Përgjithshme të Sigurisë së Brendshme (DGSI) sugjeron se Irani ka rifilluar praktikat e vrasjeve në shënjestër që nga viti 2015, me një intensifikim të kërcënimeve në kontekstin e konfliktit Izrael-Hamas.

Abdelkrim S. ka qenë i përfshirë në drejtësi më parë dhe është akuzuar si një “lojtari kryesor” në Francë që vepronte në emër të Iranit dhe planifikonte veprime të dhunshme në Francë dhe Gjermani. Ai është akuzuar gjithashtu për planet për të kryer katër sulme zjarrvënieje ndaj kompanive në jug të Francës që janë në pronësi të shtetasve izraelitë.

Ndërkohë, personi në fjalë e mohon akuzën dhe thotë se është përfshirë vetëm në aktivitete të tjera, përfshirë mashtrimet në sigurime.