Një përleshje masive shpërtheu mbrëmjen e së dielës në një bar pranë spitalit “Santa Maria della Misericordia” në San Sisto, duke rezultuar në arrestimin e 11 personave dhe procedimin e një të mituri 17-vjeçar në gjendje të lirë.

Të arrestuarit, të moshave 19–31 vjeç, me origjinë shqiptare, rumune dhe maqedonase, janë dërguar në burgun e Capanne-s. Sipas hetimeve, konflikti nisi rreth orës 18:45 në një bar pranë Sant’Andrea delle Fratte, ku u përfshinë dy grupe: një grup shqiptarësh dhe një grup maqedonasish. Pesë nga të arrestuarit rezultojnë të kishin precedentë penalë.

Sherri u përshkallëzua shpejt në një përplasje të dhunshme. Dy të rinj arratisën me makinë, duke përplasur një 27-vjeçar maqedonas, i cili u shtrua në spitalin e Perugias me disa fraktura dhe prognozë 30-ditore.

Forcat e karabinierëve dhe Policia e Shtetit ndërhynë duke vënë nën kontroll situatën dhe arrestuan shumicën e përgjegjësve. Hetimet paraprake, të bazuara në dëshmi dhe pamje nga kamerat e sigurisë, tregojnë se sherri nisi për motive të kota, konkretisht një foto e bërë me telefon.

Gjatë kontrollit u sekuestruan disa shkopinj, karrige dhe tavolina të përdorura gjatë përleshjes. Një 23-vjeçar shqiptar tentoi të fshehë çelësin e ndezjes së automjetit brenda një vaze lulesh, ndërsa policia gjeti edhe një dozë kokaine 0.6 gramë. Hetimet për dy të arratisurit vazhdojnë.