Kryetari i grupit parlamentar të Partisë Demokratike, Gazment Bardhi, ka reaguar pas deklaratës së kryeministrit Edi Rama gjatë një takimi me strukturat e PS në njësinë nr.7 të kryeqytetit, ku Rama iu drejtua Halit Valterit duke thënë se iku nga “hala” e PD-së dhe gjeti një parti në PS.
Bardhi theksoi se mbi 500 mijë qytetarë nuk mund të trajtohen si “hale”. “Janë qytetarë që e dinë se në krye të qeverisë është dikush që i vjedh çdo ditë. Kjo e Edi Ramës nuk është gjuhë politike, është urrejtje, për të cilën kam vetëm neveri”, u shpreh ai.
Ai shtoi se për dikë që sipas tij është i zhytur në korrupsion dhe po “qelb Shqipërinë”, gjithçka dhe kushdo duket “hale”, duke kritikuar fort tonin dhe qasjen e kryeministrit ndaj qytetarëve dhe opozitës.
