Një sherr mes krushqve ka përfunduar me ndërhyrjen e policisë në Tiranë, që ka vënë në pranga bab e bir, të dy dhunuesit e dhëndrit dhe krushkut.

Ngjarja ka ndodhur në territorin që mbulon Komisariati numër 5 i Policisë.

Ndërkohë që policia nuk jep detaje për gjendjen e të dhunuarve, nuk dihet as shkaku që ka çuar në këtë situatë të agravuar familjare.

Njoftimi i Policisë:

Nga specialistët për Hetimin e Krimit në Komisariatin e Policisë Nr.5 u bë arrestimi në flagrancë për veprën penale “Dhuna në familje” i shtetasve B. Ç., 54 vjeç dhe H. Ç., 22 vjeç (bab e bir) pasi kanë ushtruar dhunë fizike ndaj shtetasve K. M., 30 vjeç dhe A. M., 53 vjeç.