Një sherr ka ndodhur në Tiranë të enjten, ku dy adoleshentë janë përfshirë në një konflikt në rrugën “Bedri Karapici”. Si rezultat i konfliktit, një 15-vjeçar është plagosur dhe ka nevojë për ndihmë mjekësore.

Policia ka njoftuar se adoleshenti i plagosur është dërguar në spital, dhe lajmëron se fatmirësisht ai ndodhet jashtë rrezikut për jetën.

Më datë 07.12.2023, në rrugën “Bedri Karapici”, janë konfliktuar dy të mitur të moshës 15 dhe 16 vjeç, dhe si pasojë është dëmtuar me mjet prerës 15-vjeçari, i cili ndodhet në spital, jashtë rrezikut për jetën”, njoftoi policia.

Në lidhje me këtë çështje është shoqëruar në polici autori i dyshuar 16 vjeç së bashku me prindërit. Ende nuk dihen rrethanat e këtij konflikti që çoi në plagosjen e të miturit.