Një 33-vjeçare është arrestuar nga policia në Durrës, pasi duke shfrytëzuar punën e saj si sanitare në një shtëpi, ka bashkëpunuar me dy shtetas të tjerë për të vjedhur në atë banesë. Strukturat Hetimore të Komisariatit të Policisë Durrës, pas marrjes së kallëzimit nga shtetasi Sh. Gj., 59 vjeç, banues në lagjen nr. 18 Durrës, kanë nisur një hetim për zbardhjen e rastit. Sipas kallëzimit, në banesë janë vjedhur një shumë parash dhe bizhuterish, duke dyshuar se kjo është bërë nëpërmjet çelësit të derës pa thyerje.
Operacioni Policor “Kopja” dhe Arrestimet
Në vijim të veprimeve në kuadër të operacionit policor të koduar “Kopja”, policia ka arrestuar në flagrancë shtetasit:
– F.H., 42 vjeç, banues në lagjen nr. 13 Durrës
– E.K., 33 vjeçe, banuese në lagjen nr. 11, Durrës
Gjithashtu, është shpallur në kërkim shtetasi A. H., 36 vjeç, banues në lagjen nr.13, Durrës, dhe vijon puna për kapjen e tij.
Sipas njoftimit të policisë, E.K., duke qenë se punonte si sanitare në banesën e shtetasit Sh. Gj., kishte siguruar kopje të çelësit të banesës dhe ua kishte dhënë vëllezërve E. H. dhe A. H., si dhe i kishte informuar ata për mos prezencën e familjarëve në banesë. Gjatë kontrollit të kryer në banesën e shtetasit F.H, janë gjetur dhe sekuestruar një varëse dhe një unazë floriri, një shumë parash dhe një automjet që dyshohet se është përdorur gjatë kryerjes së vjedhjes.
