Tiranë – Prokuroria pranë Gjykatës së Shkallës së Parë të Juridiksionit të Përgjithshëm dërgoi në gjyq F.Ç., A.V., E.Xh., A.S. dhe A.L., pas hetimeve për mashtrimin e shtetasve me paketat televizive piraterie dhe për shkelje të të drejtave të pronësisë industriale të kompanive si Digitalb, Tring e Sky.

Hetimet, të kryera në bashkëpunim me Seksionin kundër Krimit Ekonomik në DVP Tiranë, zbuluan se të pandehurit përdornin dekoderë të koduar, i reklamonin në rrjetet sociale dhe i shisnin me çmime që varionin nga 3,500 deri në 10,000 lekë, duke përfituar në mënyrë të paligjshme nga transmetimet televizive.

Sipas Prokurorisë, F.B. i shiste paketat përmes WhatsApp-it me 79 euro, ndërsa A.V., përmes postave private, i shiste me 3,500 lekë, përfshirë kanale shqiptare dhe të huaja si “BBV 1”, “BBV 2”, “Top Channel” e “TV Klan”. Subjekti Elektronika Shop, pronë e E.Xh., ofronte paketat me 4,000 lekë, ndërsa 4k server (Kanale.al) i A.Sh. dhe Lila Shop i A.K. i shisnin për 100 deri 6,500 lekë përmes rrjeteve sociale dhe korrierëve privatë.

Prokuroria thekson se veprimet e tyre përmbushin elementët e veprave penale “Mashtrimi kompjuterik” dhe “Shkelja e të drejtave të pronësisë industriale”, duke iu caktuar gjyqin përkatës për veprat e kryera.