Policia e Tiranës ka arrestuar një 30-vjeçar që shiste në rrugë me çmime fiktive orë dhe sende të tjera të markave të shtrenjta. Prangosja e Xhuliano Lytos, banues në kryeqytet, u krye në rrugën “Reshit Çollaku” afër bulevardit “Gjergj Fishta”.
Gjatë kontrollit, iu gjetën dhe i sekuestruan në cilësinë e provës materiale 25 orë dhe 2 stilolapsa të markave të ndryshme, të shtrenjta.
“Sendet, të dyshuara të kontrabanduara, shiteshin nga ky shtetas me çmime fiktive dhe pa fatura. Operacioni i Drejtorisë për Hetimin e Krimeve Ekonomiko-Financiare u kodua ‘Okazion'”.
