Sekretarja e Brendshme e Britanisë së Madhe, Suella Braverman, është shkarkuar nga detyra pas kontroversave rreth komenteve të saj në lidhje me protestat pro palestineze.

Shkarkimi vjen pas akuzave për bashkëpunim me aktivistë të ekstremit të djathtë gjatë protestave në Londër dhe bie në kuadër të një riorganizimi ministror të kryer nga Rishi Sunak.

Në artikullin e saj, Braverman pohoi se demonstratat nuk ishin “thjesht një thirrje për ndihmë për Gazën”, por “një pohim i përparësisë nga grupe të caktuara veçanërisht islamikët, të llojit që jemi mësuar të shohim më shumë në Irlandën e Veriut”.

Kjo referencë për Irlandën e Veriut, duke përdorur retorikisht tensionet sektare në një rajon ku përpjekjet për të rivendosur një qeveri të ndarjes së pushtetit deri më tani kanë dështuar, gjithashtu provokoi zemërim.

Në artikull, Braverman akuzoi policinë për një “standard të dyfishtë” në mënyrën se si i trajtonte protestat.
Suella Braverman është e njohur në Shqipëri për qëndrimet e saj të ashpra ndaj emigrantëve shqiptarë, duke përfshirë politikat e ashpra ndaj emigrantëve të paligjshëm dhe propozimet për dërgimin e tyre në Ruandë.