Një grup kriminal që merrej me trafikun e drogës është shkatërruar nga policia në Itali. Nga 11 të arrestuar, 10 janë shqiptarë. Ata u vunë në pranga pasi merreshin me trafikun e lëndëve narkotike në Gjermani, Holandë dhe Belgjikë.

Në pranga ranë: Klenis Qevani, 38 vjeç, Etmond Qevani, 46 vjeç, Erjon Arkaxhiu, 37 vjeç, Roland Hysollari, 44 vjeç, Sokol Sallaku, 41 vjeç, Elidon Shkalla , 27 vjeç, Geri Skilja, 28 vjeç, shqiptar, Ferdinando Bongiovanni, 61 vjeç, Arjan Ndoka, 48 vjeç, Renato Qevani, 31 vjec, Kleon Mema, 38 vjeç.

Sipas mediave italiane, hetuesit thonë se trafiku i drogës u krye nga viti 2020 deri në vitin 2022, periudhë kur u trafikuan rreth 700 kilogramë kokainë dhe hashash e fituan të ardhura rreth 35 milionë euro. Organizata me origjinë shqiptare derdhi lumenj kokaine në rajonin Marche, me qendër dhe bazë në Civitanova edhe në Porto Sant’Elpidio.

Përveç të arrestuarve, janë të përfshirë edhe 22 të tjerë në organizatën e trafikut të drogës. Nga policia italiane janë sekuestruar pasuri mbi 1 milionë euro.