Një organizatë e trafikut të lëndëve narkotike, e cila operonte prej vitit 2017, është goditur nga autoritetet italiane në një operacion të zhvilluar mëngjesin e 21 marsit në rajonin e Torinos.

Sipas Karabinierëve të Chivasso-s, operacioni antidrogë çoi në arrestimin e 9 personave, shumica prej të cilëve shqiptarë, ndërsa pjesa tjetër rumunë.

Hetimet për këtë rrjet kishin nisur që në 2021, por u intensifikuan në 2023, kur një shtetas shqiptar u arrestua në Castagneto me 200 gramë kokainë. Kjo çoi në një hetim më të gjerë, i cili përfundoi me shkatërrimin e grupit.

Organizata operonte midis Milanos dhe Torinos, ku ishin rezidentë edhe të dyshuarit. Nga të arrestuarit:

• 6 janë në burg,

• 1 është nën detyrim paraqitjeje,

• 2 janë në arrest shtëpiak.

Sipas mediave italiane, ky grup ishte pjesë e një rrjeti të trafikut të drogës që vepronte midis Chivasso-s dhe zonës kodrinore, një territor që është vënë shpesh në shënjestër të operacioneve policore vitet e fundit.