Një ngjarje e rëndë ka ndodhur në Shkodër, ku një 83-vjeçar, i identifikuar si L.P., është hedhur nga ura e Bahçallëkut në ujërat e lumit Drin me qëllim vetëvrasjen.

Ngjarja është pikasur nga kalamitarë të rastësishëm, të cilët kanë njoftuar menjëherë Policinë e Shkodrës.

Patrulla e Përgjithshme e Komisariatit të Policisë Shkodër ka reaguar me shpejtësi dhe ka marrë një varkë për të ndërhyrë në kohë, duke arritur të nxjerrë 83-vjeçarin nga lumi me shenja jete.

Pas ndërhyrjes, L.P. është transportuar me autoambulancë në Spitalin Rajonal të Shkodrës, ku po merr kujdesin e nevojshëm mjekësor.

Falë ndërhyrjes së shpejtë dhe reagimit profesional të policisë, është shmangur një tragjedi e mundshme. Autoritetet po vijojnë hetimet për të zbardhur rrethanat e plota të ngjarjes.