Një ngjarje e pazakontë ka ndodhur në zonën e Shkozës në Tiranë, ku një fëmijë 9-vjeçar ka mbetur i plagosur pasi është goditur nga një send i fortë i hedhur nga ballkoni. Sipas Policisë së Shtetit, bëhet fjalë për një incident aksidental të shkaktuar nga një 20-vjeçare.

“Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasen K. H., 20 vjeçe, pasi në Shkozë, dyshohet se aksidentalisht ka hedhur nga ballkoni i banesës një send të fortë dhe për pasojë është dëmtuar një i mitur 9 vjeç, i cili mori ndihmë mjekësore në spital”, thuhet në njoftimin zyrtar.

Fëmija është jashtë rrezikut për jetën dhe ka marrë ndihmën e nevojshme mjekësore. Policia po vijon hetimet për të zbardhur rrethanat e plota të incidentit.