Një operacion i karabinierëve në Viale Centurini, Terni, ka çuar në arrestimin e një 22-vjeçari shqiptar, ndërsa një bashkëpunëtor 19-vjeçar është shpallur në kërkim.

22-vjeçari, me precedentë penalë, u ndalua teksa drejtonte një fuoristradë me qira. Gjatë kontrollit në automjet dhe trup, u gjetën 23 pako me kokainë, tre me kanabis dhe një mijë euro para të gatshme nga trafiku i drogës. Ai iu nënshtrua testit të drogës, i cili rezultoi pozitiv, dhe iu hoq leja e drejtimit të mjetit. Gjykatësi urdhëroi ndalimin e qëndrimit në Terni si masë paraprake.

Në një rast tjetër, karabinierët ndaluan një tjetër shqiptar, 19 vjeç, gjithashtu në Itali me vizë turistike. Gjatë kontrollit trupor, i riu u kap me 37 pako kokainë dhe u akuzua për posedim të lëndëve narkotike me qëllim shitjen e tyre. Ai ndodhet nën arrest.

Hetimet për zbardhjen e rrjetit të trafikut të drogës vazhdojnë.