Kryeministri Edi Rama shpreh ngushëllime për ndarjen e parakohshme nga jeta të komentatorit të njohur sportiv, Kosta Grillo, i cili humbi betejën me koronavirusin në moshën 59-vjeçare, pas më shumë se një muaji në intubim në një spital të Turqisë.

Përmes një mesazhi në Facebook, Rama shkruan se Grillo ishte një zë i dashur i sfidave futbollistike dhe një sportdashës i paepur me energji pozitive.

Postimi i Edi Ramës:

LAMTUMIRË KOSTA. Shok qysh prej fëmijërisë, pastaj zë i dashur i sfidave futbollistike për vite e vite, sportdashës i paepur e njeri plot energji pozitive… humbi jetën në sfidën me virusin e mallkuar

Gazetari dhe komentatori Kostandin Grillo humbi jetën pas disa javësh betejë me koronavirusin. Ai ishte dërguar në Turqi për trajtim të specializuar por nuk mundi të fitonte betejën me pandeminë.