Zbardhen detaje të reja nga zjarri që përfshiu pas mesnatës së kaluar një pallat në zonën e Astirit, në Tiranë.
Në vendngjarje janë dëgjuar edhe shpërthime nga banorët, të cilët kanë dalë jashtë të tmerruar.
Këtë mëngjes kanë mbërritur në vendin e ngjarjes ekspertë të RENEA-s anti-eksplozivë për të përcaktuar shkakun e zjarrit.
Nga të dhënat e para mësohet se po hetohet nëse shkaku i zjarrit mund të ketë ardhur si pasojë e një shpërthimi.Shënjestër e zjarrit ka qenë një makinë tip “Range Rover” e parkuar në garazhin e pallatit.
Mjeti luksoz është në pronësi të vëllait të biznesmenit dhe ndërtuesit S. Ll., i cili është edhe pronar i pallatit.
Ndërkohë, ekspertët anti-eksploziv të RENEA-s po verifikojnë nëse mjetit tip “Range Rover”, ku ka nisur edhe fillimisht zjarri, i është vendosur ose jo lëndë plasëse apo i është hedhur lëndë djegëse. Dyshimet e para janë për lëndë djegëse.