Një granatë është hedhur në ambientet e jashtme të një lokali në Lezhë.

Burime bëjnë me dije se si pasojë e shpërthimit nuk ka persona të lënduar por vetëm dëme materiale.

Në momentin kur është hedhur lënda plasëse nga një person ende i paidentifikuar (dyshohet fëmijë), në lokal ka pasur klientë, të cilët kanë përjetuar frikë, por fatmirësisht nuk kanë pësuar lëndime.

Lokali ndodhet në afërsi të një kompleksi banimi, dhe paniku te qytetarët ka qenë shumë i madh.

Policia ka rrethuar zonën dhe ka vendosur perimetrin e sigurisë, ndërkohë që nuk dihet ende identiteti i pronarit të lokalit, apo nëse ai ka pasur ndonjë konflikt që mund të rrjedhonte ngjarjen e sotme.