Durrës – Një shpërthim me lëndë plasëse raportohet të ketë ndodhur mëngjesin e sotëm në lagjen nr.14 të Durrësit, në ambientet e jashtme të banesës së shtetasit I. Gj., 66 vjeç.

Sipas Policisë, shpërthimi ka shkaktuar vetëm dëme materiale, pa të lënduar.

Grupi hetimor, në drejtim të Prokurorisë, po punon për identifikimin dhe kapjen e autorit ose autorëve, si dhe për sqarimin e rrethanave të rastit. Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.