Një shpërthim i fuqishëm ka ndodhur pasditen e së hënës në marinën e Fort Lauderdale, Florida, SHBA, ndërsa një varkë e vogël po furnizohej me karburant. Si pasojë e shpërthimit, një person ka humbur jetën dhe pesë të tjerë janë plagosur.

Pamjet e ngjarjes u transmetuan fillimisht nga NBC 6 dhe më pas u shpërndanë në platformën X, ku shfaqet shpërthimi i fuqishëm. Dëshmitarët, të cilët ndodheshin në një restorant afër, raportuan se panë varkën duke u furnizuar me karburant para shpërthimit.

Gjatë incidentit, një varkë tjetër më e vogël shpërtheu gjithashtu në flakë, duke shtuar më tej panikun në zonë.