Shërbimi Zjarrfikës i Himarës ka gjetur pas tre orësh kërkimesh një çift turistësh izraelitë, të moshës 22 vjeç, të cilët kishin humbur kontaktet në zonën e Gjipesë.
Turistët u lokalizuan nga ekipet zjarrfikëse dhe po shoqërohen drejt një vendi të sigurt. Fatmirësisht, ata ndodhen në gjendje të mirë shëndetësore dhe nuk kanë pasur nevojë për ndërhyrje mjekësore.
Zona e Gjipesë, e njohur për plazhet dhe kanionet e saj të izoluar, tërheq çdo vit mijëra pushues. Megjithatë, terreni i vështirë shpesh sjell situata ku turistët humbasin rrugën dhe kërkojnë ndihmën e autoriteteve.
