Mëngjesin e së premtes, Egli Tako ishte bashkëmoderatore në emisionin “Wake Up” së bashku me Blendi Salaj dhe zbuloi një surprizë për publikun: një projekt të ri muzikor.

“Kam një projekt muzikor me të cilin po punoj, nuk është ende gati. Është akoma në proces pune, unë vdes për këtë procesin gjatë kohës që përgatitet,” tha Egli. Ajo shtoi se e pëlqen energjia dhe frymëzimi që lind gjatë punës në studio, ku çdo fjalë dhe sekondë vendosen me kujdes për të krijuar një material të veçantë.

Moderatoren e gëzon më shumë pjesa kreative dhe spontane e procesit, ndaj nuk ka vendosur një datë të saktë për publikimin: “Kur flas për muzikën, gjithmonë më shkëlqejnë sytë. Nuk më pëlqen të vë data; më pëlqen të vij në një formë lineare dhe shumë spontane, të ndjerë dhe sipas frymëzimit. Jemi duke punuar dhe shpresoj që gjatë dhjetorit të kemi diçka.”

Projekti i ri muzikor i Tako-s duket se do të sjellë energji dhe emocione për fansat, duke reflektuar pasionin e saj për artin dhe procesin kreativ.