Rritja e numrit të vetëvrasjeve në muajin e parë të vitit ka nxitur shqetësime të mëdha në shoqërinë tonë. Ngjarjet tragjike kanë tërhequr vëmendjen e mediave dhe opinionit publik, megjithatë, disa prej tyre ende nuk janë zbardhur plotësisht nga policia. Ekspertët e kriminalistikës kanë ngritur dyshime se disa vetëvrasje mund të jenë në të vërtetë vrasje, pasi hetime të mëtejshme kanë rezultuar në gjetjen e prova të tilla. Në një rast të veçantë të diskutuar në ‘Top Talk’, një vetëvrasje në një qytet bregdetar dyshohet të jetë në fakt një vrasje, pasi fëmija i çiftit ka deklaruar se nënën e shtyu babai drejt vetëvrasjes. Kjo rënie në besimin e raportuar të vetëvrasjeve kërkon një shqyrtim të hollësishëm dhe të drejtë nga autoritetet për të zbardhur rrethanat dhe për të siguruar drejtësi për të gjithë personat e përfshirë.
“Një prokuror më ka kontaktuar për një rast të ngjashëm në një qytet bregdetar pasi ishte ne dilemë. Veprimet nga policia nuk ishin të plota. Ndërsa fëmija thoshte mamanë e shtyu babi. Faktorët janë në vendngjarje, ku shtyhesh do të kapësh. Duhet të gjurmojnë thonjtë, fibrat e një personi tjetër që janë pjesë e një dhune të freskët nga zënka në momentin final.” – tha Karamuço.
E rëndësishme tha Karamuço është që policia të kryejë veprime të plotë dhe të mos bazohet vetëm në dëshmitë e familjarëve
“Telefonat e viktimës dhe sulmuesit duhet të kontrollohen nëse janë të njëjtin vend. Shkaktimi i vetëvrasjes është e vështirë për tu provuar.
Rasti i qytetit bregdetar tregon se policia dyhet të hetojë dhe marrë provat e plota, duhet të shihen konfliktet si kanë qenë. Ka një tendencë në rritje vrasjesh që fshihen nga një vetëvrasje“ – tha ndër të tjera profesori i kriminalistikës.
