Kryetari i Partisë Demokratike, Sali Berisha, mbrëmjen e sotme ka zhvilluar një takim me një grup intelektualësh. Ish-kryeministri gjatë këtij takimi është surprizuar me një dhuratë të veçantë nga një arsimtare.

Ajo i ka dhuruar Berishës antropologjinë e botuar nga shqiptarë, në vitin 1911, një formë simbolike që lidhet me profesionin e saj, duke dhënë mesazhin se duhet t’u referohemi edhe kohëve të arta kur shqiptarët botonin këto vepra me rëndësi të veçantë.

“Sot do ju bëj një dhuratë, fëmijët e mi nuk e kanë vokacion mjekësinë fatkeqësisht, ky është një libër i bibliotekës sime… është antropologjia e famshme, botuar nga shqiptarë, botim i 1911, është në gjermanishten gotike, është ruajtur me fanatizëm.

Ka pasur një kohë kur njerëz të nderuar të këtij kombi botonin këto vepra, dhe duhet tu referohemi atyre periudhave të ndritura, është koha dhe për pak idealizëm, për të qenë pak atdhetar, Shqipëria do të bëhet doktor dhe jemi këtu që ajo të bëhet”, u shpreh ajo.