Sekretari i Përgjithshëm i Organizatës Botërore të Turizmit, Zurab Pololikashvili, ka bërë të ditur se në Shqipëri do të ndërtohet një qendër e edukimit për studentët e mikpritjes, me fokus në edukimin turistik.

“Mund të kemi miliona turistë, por kush do t’i shërbejë atyre? Këtu kthehemi tek kapitali njerëzor. Çdo 10-20 dollarë e investuar në edukim, kthehet shumëfish pas. Kemi rënë dakord me kryeministrin dje që do të krijojmë një qendër edukimi në Shqipëri që do t’i shërbejë rajonit. Shkollat i kemi në Evropë, por kjo nuk është e arritshme për të gjithë. Ne kemi përgatitur akademinë tonë në partneritet me emra të mëdhenj. Kemi prezencë në shumë vende, dhe duam të jemi edhe në Tiranë, që të ofrojmë mundësi mësimi për studentët e mikpritjes. Është e rëndësishme të edukojmë studentët në fushën e mikpritjes, pasi edukimi është shumë i rëndësishëm në sektorin e turizmit,” – tha Pololikashvili.