Kryeministri Edi Rama ndodhet në Berlin, ku Shqipëria do të çelë nesër Panairin Ndërkombëtar të Turizmit. Për vitin 2025, vendi ynë është zgjedhur si “Vendi i Nderit”, një arritje e rëndësishme për promovimin e turizmit shqiptar në skenën globale.

Në një videomesazh nga Berlini, Rama theksoi rëndësinë e këtij eventi:

“Kush e imagjinonte disa vite më parë Shqipërinë në këtë pozicion? E ftuar si vend nderi në panairin më të madh të turizmit, ku jemi përgatitur të lëmë mbresë të veçantë me ofertën dhe prezantimin tonë.”

Panairi do të hapet nesër me një prezantim të veçantë të Shqipërisë, në prani të shumë mediave dhe gazetarëve ndërkombëtarë. Më 4 mars, pavioni shqiptar do të hapet zyrtarisht, ku do të marrin pjesë edhe autoritetet gjermane.

🇦🇱 Turizmi shqiptar po fiton vëmendjen e botës!