Andonis Remos, këngëtari grek i njohur, ka dhënë një koncert emocionues në Pallatin e Kongreseve në Tiranë, në bashkëpunim me artisten tjetër të njohur greke, Marinelën. Në fillim të koncertit, ai ka shprehur ndjenjat e tij për lëndimin e emigrantëve shqiptarë në Greqi gjatë vitet e para të emigracionit.
Remos ka rrëfyer historinë e tij si një fëmijë i lindur në Gjermani nga prindër grekë dhe ka shprehur mirënjohjen dhe falënderimin e tij për emigrantët shqiptarë për kontributin e tyre në Greqi.
Me emocion në zë, ai ka shprehur falënderimin e tij për bashkëpunimin dhe kontributin e emigrantëve shqiptarë në Greqi, duke u ndalur në momente të ndjeshme të historisë së tyre dhe duke kërkuar falje për çdo lëndim që ata mund të kenë pësuar. Remos ka përfunduar me fjalë dashurie dhe respekti për Tiranën dhe për Shqipërinë në përgjithësi.
“Dua t’ju them pak fjalë që burojnë nga zemra ime. Në vitet 1995-96 unë hodha hapat e para në karrierën time si këngëtar. Në vitet 90’ filluat të vinit dhe ju në Greqi.
Kaluan shumë vite që atëherë, u rritët, krijuat familjet tuaja, fëmijë, u rritën edhe ata fëmijë. U rritëm dhe ne bashkë.
Ajo që dua të them nga zemra janë vetëm dy fjalë: Faleminderit shumë! Kërkoj falje! Faleminderit se ndihmuat vërtet Greqinë tonë, në momentet që kishte nevojë. Dhe një “Më fal” se Greqia shumë herë, jo të gjithë, por disa herë Greqia ju lëndoi!
Dhe ndjej se ju u lënduat, ashtu siç jam ndjerë dhe unë si fëmijë emigrantësh në Gjermani. U linda në Gjermani, e di çfarë do të thotë të jesh fëmijë emigrantësh në një vend të huaj.
Kështu, thellë nga zemra ime, me shumë dashuri e respekt, ju them këto dy shprehje. Sepse duke ardhur këtu, pashë një vend që tashmë ka hapur krahët e fluturon vërtet shumë lartë në hapësirën qiellore, me kaq arritje e ndryshime të bukura. Unë pashë një qytet kaq të bukur, Tirana është vërtet një qytet mrekulli”, tha Remos.
