Kryetari i Partisë Demokratike Sali Berisha, në një takim që po zhvillon me qytetarë të Ersekës, u shpreh se vendi është në rrezik nga shpopullimi masive.
Gjatë një bashkëbisedimi me intelektuale në Kolonjë, Berisha u shpreh se qytetarët nuk duhet të bien dakord me politikat që po ndjek Rama, pavarësisht bindjeve të tij partikake.
Ai shtoi se kryeministri Edi Rama ndjehet më i afërt me presidentin serb Aleksandër Vuçiç se sa me kryeministrinë Kosovës Albin Kurti, dhe kjo e gjithë vetëm sepse Kurti nuk pranon Ballkanin e Hapur, një projekt sipas tij anti-shqiptar.
“Shqiptarët po braktisin Shqipërinë! Sa duhet ti dalim Zot vendit? A duhet të pajtohemi me këtë rrokullisje. Pavarësisht nga bindjet partiake, s’mund të bini dakord me këto politika. Duhet të pyesim veten se çfarë arritjesh ka që ne ti besojmë këtij njeriu dhe këtij regjimi. Nisemi për Bruksel ky na çon në Beograd. Kishim rrogat e larta, i çoi në të ulta. Borxhi i tij është 500 miliard, borxhi unë mbi 300 miliard.
Pse duhet ta tolerojmë e pranojmë? Po sillet si pushtues i vërtetë me shqiptarët. Ky ndihet më afër me Vuçiç se me Kurtin, për shkak se ky nuk pranon OP, një projekt antishqiptar. Duhet t’i jemi mirënjohës që po e kundërshton. Marrëdhënie shqiptaro serbe s’mund të jenë të vërteta pa kaluar nga Prishtina
Ju ftoj të angazhohemi me përkushtim në debat, në dialog me çdo qytetar në Kolonjë. Vendi është në rrezik, cilido që thotë jo të paraqesë argumente. Një vend që po shpopullohet, vitin e kaluar kishim më shumë vdekje se lindje, është lajm i hidhur, aspak i mirë”, tha Berisha.
