Në rezultatet e publikuara, shqiptarët janë treguar masivisht skeptikë ndaj procesit të Ballkanit të Hapur pasi sipas tyre Serbia nuk ka qasje europiane.

Edhe pse ishte pyetja me më pak mbështetje nga qytetarët, kryeministri Edi Rama ‘i mëshoi’ fort faktit se marrëdhëniet mes Shqipërisë dh Serbisë janë në të mirë të ekonomisë dhe paqes.

Ai theksoi se si udhëheqës i këtij vendi po bën të pamundurën që nga ky proces të fitojnë shqiptarët, duke shtuar se ky partneritet është i rëndësishëm dhe për Kosovën.

Pyetja e Open Ballkan ka marrë më pak mbështetje, vetëm 500 mijë qytetarë pro dhe se sipas tyre Serbia nuk ka qasje europiane, ende ska qëndrim të qartë. Si e komentoni?

Rama: 59% është mbështetje shumë e fortë, procesi ka ndodhur sepse lufta ka pasur impakt psikologjik sepse u bë zhurmë e madhe lidhur me korrelacionin mes luftës dhe Serbisë. Unë nuk kam pritur luftën për të marrë vesh se cfarë është politika e jashtme e serbisë dhe marrëdhëniet e saj me Rusinë.

E dyta vendimarrja nuk ka qenë as e imja as e qeverisë që Serbia të jetë në Ballkan, është fqinje duam apo s’duam ne, dhe do jetë gjithmonë, nuk do ikë diku tjetër. Duke marrë parasysh këto marrëdhëniet e fqinjësisë me të janë të rëndësishme. Nga ana tjetër Ballkani i Hapur nuk mbron interesat e Serbisë, por tonat.

Cdo marrëdhënie që i shërben paqes dhe ekonomisë, dhe ajo paqe bëhet me ata që ke pas probleme se me ata që s’ke pas ske asgjë për të bërë se paqen e ke gati.

Është proces shumë i rëndësishëm për ne dhe Kosovën por unë jam udhëheqës i Shqipërisë jo I kosovës dhe është në interes të madh tonin të zgjerohet hapësira e lëvizjes. Shkoni pyesni eksportuesit shqiptarë që prej vitesh punojnë në tregun serb.

Unë nuk e kuptoj që për një aktivitet të tillë ne mos të bëjmë tonën për lehtësime, pjesa e mbrapshtë e pjell këtë llogjikë. Është process, mbani shanim, do kthehet në traditë dhe do jetë kurues për marrëdhëniet në nivelin qytetar dhe politik. Politika nuk është spektakli i ulët, ça do bëjmë naj gjo!