Porto Sant’Elpidio, Itali – Një 33-vjeçar me origjinë shqiptare, banues në Porto Sant’Elpidio, është dërguar për gjykim nga autoritetet italiane, pasi akuzohet për trafikim të lëndëve narkotike.

Policia arrestoi shqiptarin së bashku me dy persona të tjerë, të cilët po përgatisnin transportimin e drogës përmes një kontinieri. Gjatë operacionit, autoritetet sekuestruan 40 kilogramë kokainë, të ndarë në 36 blloqe. Sipas mediave italiane, nëse kjo sasi do të dilte në tregun e Marche, vlera e saj do të kapte mbi 3 milionë euro.

33-vjeçari u paraqit para gjyqtarit hetues gjatë seancës dëgjimore për të verifikuar arrestimin, por zgjodhi të mos flasë, duke ushtruar të drejtën e tij për heshtje. Ai u dërgua në ambientet e parburgimit, ndërsa pritet vendimi përfundimtar i gjykatës.