Orjon Mitri (Llupo), një shqiptar, është shpallur në kërkim nga policia greke pas akuzave se është autori i vrasjes së një shtetasi grek, Nikolao Mazarakis. Ngjarja ka ndodhur mbrëmjen e datës 17 tetor 2023, në Athinë, pas një sherri banal për një dozë heroinë.

Sherri mes Mazarakis dhe Llupo u përkeqësua, dhe ky i fundit përdori një thikë për të sulmuar viktimën, shkaktuar plagë të rënda dhe hemorragji. Edhe pse disa persona u përpjekën ta ndalonin duke i lidhur këmbën me një fashë, viktima vdiq pas disa orësh prej hemorragjisë. Mjeku ligjor konfirmoi se viktima kishte humbur jetën prej plagëve të shumta me thikë.

Orjon Mitri (Llupo) është i njohur nga autoritetet për veprimtari kriminale më parë dhe është dënuar për pjesëmarrje në organizatë kriminale, armëmbajtje pa leje, dhe shkelje të ligjit të emigracionit. Pas ngjarjes, ai ka kaluar në territorin shqiptar, dhe aktualisht ndodhet në zonën e Divjakës.

Policia greke ka bërë një thirrje për ndihmë ndërkombëtare për arrestimin e tij në Shqipëri dhe ekstradimin për të gjykuar në Greqi.