Çmimet Grammy ishin planifikuar të mbaheshin më 1 jnar 2022, por u shtynë dje. Shkak për shtyrjen e ceremonisë së rëndësishme organizatorët thanë se ishin “rreziqet e shumta për shkak të variantit Omicron”.

“Pas shqyrtimit dhe analizës së kujdesshme me zyrtarët e qytetit dhe shtetit, ekspertët e shëndetit dhe sigurisë, komunitetin e artistëve dhe partnerët tanë të shumtë, Akademia e Regjistrimit dhe CBS kanë shtyrë eventin e 64 vjetor të Çmimeve GRAMMY”

“Shëndeti dhe siguria e atyre në komunitetin tonë muzikor, audiencës live dhe qindra njerëzve që punojnë pa u lodhur për të prodhuar shfaqjen tonë mbetet prioriteti ynë kryesor” ,njoftuan CBS dhe Akademia e Regjistrimit në një deklaratë të përbashkët. 

Deri tani nuk është vendosur asnjë datë e re.

“Duke pasur parasysh pasigurinë rreth variantit Omicron, mbajtja e shfaqjes më 31 janar përmban shumë rreziqe. Ne mezi presim të festojmë natën më të madhe të muzikës në një datë të ardhshme, e cila do të shpallet së shpejti,” shtuan kompanitë.