Seanca për ish-kryeministrin Sali Berisha dhe dhëndrin e tij, Jamarbër Malltezi, në Gjykatën e Posaçme të Apelit për Korrupsionin dhe Krimin e Organizuar, është shtyrë për nesër në orën 9:00. Avokati Genc Gjokutaj informoi se dhëndri i ish-kryeministrit ishte i pranishëm në seancë dhe sqaroi detajet e procedurave të privatizimit.

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Iliriana Olldashi, ka vendosur që shpallja e vendimit të shtyhet për datën 21.11.2023, ora 11:00. Seanca e nesërme pritet të vendosë mbi ankimin e personave nën hetim Sali Berisha dhe Jamarbër Malltezi në lidhje me masat e sigurimit personal pasi ata janë dëgjuar në lidhje me çështjen penale nr. 56.