Zëvendës ministri i Jashtëm i Ukrainës, Dmytro Senik ka njoftuar se vendi i tij ka krijuar përmes Polonisë dhe Rumanisë dy rrugë për të eksportuar grurë dhe për të shmangur një krizë globale ushqimore, megjithëse pengesat kanë ngadalësuar zinxhirin e furnizimit.
Sipas zëvendësministrit të Jashtëm Dmytro Senik, siguria globale e ushqimit është në rrezik sepse pushtimi rus i Ukrainës kishte ndalur eksportet e drithërave të Kievit në Detin e Zi, duke shkaktuar mungesa të gjera dhe rritje të çmimeve.
Ukraina është eksportuesi i katërt më i madh në botë i drithërave dhe ka deklaruar se ka rreth 30 milionë tonë drithë të magazinuara në territorin e kontrolluar nga ukrainas, të cilin po përpiqet t’i eksportojë nëpërmjet rrugëve, lumenjve dhe hekurudhave.
“Ukraina ishte në bisedime me shtetet baltike për të shtuar një korridor të tretë për eksportet e ushqimit”, tha Senik.
