Sindikata e taksistëve ka dalë sot në protestë në lidhje me rritjen e çmimeve të karburanteve, duke rënduar edhe shërbimin e tyre.

Ata kërkojnë uljen e çmimit të naftës, të lejohen që kur dalin jashtë qytetit të marrin pasagjerë në kthim dhe së treti të mos jepen licenca jashtë kritereve.

Ata kanë thënë se po jepen licenca pa kritere duke i dëmtuar dhe se gjenden në vështirësi.

Në protestë kanë marrë pjesë taksistë nga i gjithë vendi të cilët janë mbledhur para Kryeministrisë.

“Sot jemi mbledhur për cmimin e lartë të naftës sepse biznesi jonë se përballon dot, me mirekuptim kemi rritur biletën por jo në mënyrë abuzive ndaj protestojmë për të parë se cfarë do të bëhet.

Do ngelemi pa paguar taksat. Ne kryeministrin e kemi dëgjuar, sot ka patur pak reagim për uljen e çmimeve. Sot ka shkuar deri në 2300 lekë, por kjo sdo të thotë se është rregulluar.

Ne presim nëse është e arsyeshme, të shohim si është tregu sa është rritur në bursë. Është vjedhur, është abuzuar, do presim. Nëse shteti ka qenë i papërgatitur.

Do presim, do diskutuar.

Sepse me logjikë jemi një shërbim, jemi përfaqësuesit tuaj. Nafta rritet, edhe mielli, si do jetojmë, janë redukstuar autobusat. Ai është njëshi.

Nuk flas për licencat, për mua tregu është i lirë”– tha një prej tyre për Faxnews.

“Licenca jepen për ditë, Tirana ka 1600 taksi, është abuzive, duke parë edhe BE.

Është abuzim, liberalizimi i licences të bëhet me të gjithë, jo vetëm te taksitë.

Ne presim të ndalohen ato vazhdojnë.Kemi shumë kërkesa por si përmend dot sot”– u shpreh një tjetër.