Presidenti i Republikës, Ilir Meta, do të mbledhë ditën e sotme Këshillin e Sigurisë Kombëtare, për të diskutuar rreth situatës në Ukrainë.

Mësohet se mbledhja e Këshillit të Sigurisë do të nisë në orën 16:00, teksa siç dihet tashmë bota po mban frymën nga një pushtim i mundshëm i Rusisë ndaj Ukrainës.

Kryeministri Edi Rama dhe ministrja e Jashtme, Olta Xhaçka, nuk do të jenë të pranishem në këtë mbledhje, sepse ndodhen në SHBA, ku do të marrin pjesë në Këshillin e Sigurisë të OKB.

Në vend të shefit të qeverisë do të jetë zv.kryeministri Arben Ahmetaj.

Të pranishem në këtë mbledhje do të jenë Shefi i Stabit, Bajram Begaj, Shefi i SHISH, Helindon Bendo, Ministri i Mbrojtjes, Niko Peleshi, Ministri i Brendshëm Bledi Çuçi.