Një ngjarje e pazakontë ka tronditur qytetin Brignoles në Francë, ku një grua ka tradhtuar burrin e saj me priftin që vetëm tre muaj më parë kishte celebruar dasmën e tyre. Çifti, i cili kishte jetuar së bashku për gati njëzet vjet para se të martohej në kishë, u përfshi në një skandal që ka bërë mjaft bujë në komunitet.

Pas zbulimit të tradhtisë, prifti Gerson Peres u detyrua të largohej nga udhëheqja e kishës Saint-Sauveur, duke lënë pas një komunitet të ndarë mbi këtë çështje.

Burri i gruas, i cili është shumë fetar dhe mban një tatuazh të Virgjëreshës Mari në parakrahun e majtë, ka shprehur tronditjen e tij për atë që ndodhi, duke thënë se do të mbetet i traumatizuar për jetën. “Ne jetuam së bashku për 17 vjet dhe rritëm dy fëmijë. U martuam në kishë tre muaj më parë,” tha ai për gazetat franceze.

Ndërkohë, reagimet e banorëve të Brignoles kanë qenë të ndryshme. Disa janë shprehur të tronditur nga skandali, ndërsa të tjerë kanë treguar indiferencë, duke thënë se “është viti 2024 dhe qëndrimet duhet të ndryshojnë.”