Sokol Mjaçaj, i dënuar me burgim të përjetshëm për vrasjen e dy turistëve çekë në vitin 2015, ka pranuar të bashkëpunojë me hetuesit dhe është në proces të pendimit dhe bërë bashkëpunëtor i drejtësisë. Mjaçaj pritet të rrëfejë hetuesve motivet që e shtynë për kryerjen e vrasjes së Arben Lleshit në ambientet e burgut të Peqinit.

Në bashkëpunim me autoritetet, pritet që Mjaçaj të zbulojë nëse vrasja është kryer me porosi nga jashtë burgut dhe të identifikojë personat që mund të kenë paguar për eliminimin e Arben Lleshit. Kjo ndihmë e mundshme mund të çojë në zbardhjen e ngjarjes dhe identifikimin e përgjegjësve të vrasjes së Lleshit.

Gjithashtu, hetuesit mund të përdorin informacionin nga bashkëpunimi i Mjaçaj me drejtësinë për të hetuar se si arma e përdorur për ekzekutimin është futur në burg dhe nëse ka pasur ndihmën e punonjësve të burgut.

Kjo zhvillim vjen pas lirimit nga paraburgimi i drejtorit të burgut të Peqinit, Kamber Hoxha, dhe 10 punonjësve të tjerë të këtij institucioni. Hetimet kanë sugjeruar se ekzekutimi mund të ketë ndodhur në bashkëpunim me punonjës të policisë, dhe kjo ka çuar në arrestimin e tyre.

Arben Lleshi, viktima e kësaj ngjarjeje, ishte i dënuar me 32 vite burg për një vrasje të kryer në Britaninë e Madhe. Mjaçaj, ndërkaq, ishte i dënuar më herët për grabitje dhe vrasje të dy turistëve çekë.