Shqiptarët janë bashkuar për të ndihmuar mësuesen Ina Kasimatin të kthehet në Shqipëri nga një spital në Francë, ku po trajtohet për një sëmundje të rëndë. Ajo ka kërkuar ndihmë në platformën “GoFundMe” për të mbledhur një shumë prej 17 mijë eurosh për kthimin në vendlindje.

Në një përpjekje të shpejtë dhe të bashkuar, shqiptarët kanë arritur të mbledhin gati dyfishin e shumës, rreth 35 mijë euro, në më pak se 24 orë. Paratë që do të mblidhen përtej shumës së 17 mijë eurove do të shkojnë për nevojat shëndetësore të Kasimatit në Shqipëri, si dhe për të ardhmen e djalit të saj të mitur.