Kryeministri i vendit Edi Rama është shprehur shumë entuziat për zhvillimin e samitit BE-BP për herë të parë në Tiranë. Ai u shpreh para nisjes së diskutimeve mes liderëve se sot situata në kryeqytet është shumë ndryshe nga ajo në Bruksel, duke e etiketuar si “Rock and Roll”.
Kreu i qeverisë nuk la pa përmendur dhe motin me diell, që sipas tij duhet vlerësuar nga 44 delegacionet që kanë mbërritur në Shqipëri.
Rama:
Kemi gjithë jetën përpara ne, shqip me shqip. Për ne kjo është e jashtzakonshme, është diçka që edhe në imagjinatën më guximtare nuk do ishte përfytyruar të ndodhte dhe po ndodh! Bashkimi Evropian ka nevojë për Ballkanin Perëndimor aq sa dhe ky i fundit për BE-në. Nuk mund t’ju mirëprisnim me atë mot dhe sollëm diellin për ju, shpresoj që ta vlerësoni. Unë dëshiroj që BE të kishte këtë lloj magjie sot sa i takon raportit Kosovë-Serbi, por BP nuk ka qenë kurrë më mirë në histori të vet. Është një diferencë e madhe sepse këtu është rock and roll ndërsa në Bruksel është simfoni. I patë të gjithë, ishin të lumtur. Nuk më kanë informuar që ka problem për protestën, do flasim më vonë.
