Aktorja Olta Gixhari ka reaguar për herë të parë pas daljes nga Big Brother VIP duke postuar fotografi me djalin e saj. Olta po shijon ditët që mungoi pranë Amarit, të cilit i referohet si ‘100 mijë euroshi’ i saj duke treguar edhe një herë se familja për të ka rëndësi më të madhe se loja.

“Gjithë bota ime në një foto. Dashuria e Amar dhe ajo që kam marrë nga ju në këto ditë ma ka mbushur shpirtin plot dhe më ka bërë të besoj se asnjëherë nuk je gabim nëse ndjek rrugën e zemrës. Ju dua shumë të gjithëve”, shkroi Olta.
Ajo postoi disa imazhe duke luajtur dhe përdori 2 hashtage, njëra prej të cilave i shkonte partnerit të saj. “Sot nominoj Dorin se nuk ka bërë foto të mira”, shkroi Olta.