Deputetja e Partisë së Lirisë Monika Kryemadhi ka reaguar pak pasi SPAK njoftoi se ka përfunduar hetimet për inceneratorin e Fierit dhe ka çuar dosjen për gjykim.

Kryemadhi ka ironizuar punën e SPAK dhe ka thënë se para drejtësisë duhet të ishin kryeministri Edi Rama, Ëngjëll Agaçi dhe kreu i bashkisë së Fierit Armando Subashi.
Reagimi i Kryemadhit:

SPAK apo “pak”??

U njohëm sot me vendimin e S(PAK) për dërgimin e aferës së inceneratorit të Fierit në gjyq.

U njohëm edhe me subjektet dhe me veprat penale konkrete që akuzohen.

Habi e madhe të akuzosh propozuesit e një VKM-je për një shpronësim të paligjshëm dhe të mos akuzosh miratuesit e po kësaj VKM-je.

Po Subashi, po Agaçi, po Rama, ku janë?

Si i bie tashmë? SPAK apo “pak” fare?!?