Ministrja e Shtetit për Marrëdhëniet me Parlamentin, Elisa Spiropali, gjatë fjalës së saj në seancën plenare ku po prezantohej projekt-rezoluta e PS për anti-korrupsionin, ka ironizuar kreun e grupit parlamentar të PD, Gazment Bardhi. Ajo shprehu dyshimet e saj nëse Bardhi është vërtet ai që lufton për korrupsionin në parlament, apo ai që mbron “shtatoren e korrupsionit”.

Spiropali vijoi duke thënë se shpesh herë Bardhi duket se luan dy role të ndryshme: njëri që lufton për drejtësinë dhe tjetri që ndjek urdhrat për të sulmuar SPAK-un. Ajo e përshkroi këtë situatë si një “hall të madh” për Bardhin, i cili duket se ka dy mendje për të njëjtën çështje.

“Je ai që lufton më fjalë korrupsionin këtu, apo ai që shkon poshtë ballkonit për të mbrojtur shtatoren e korrupsionit?” tha Spiropali. Ajo shtoi se Bardhi ndërron qëndrimet e tij shpesh dhe se opozita duket se nuk bien dakord as për datat në kalendar.

Në lidhje me projekt-rezolutën për anti-korrupsionin, Spiropali vuri në dukje se Bardhi dhe grupi i tij kanë ndryshuar mendim nga vota kundër në abstenim pa lexuar dokumentin, duke e ftuar ata që të bëjnë të kundërtën dhe të mbështesin rezolutën.